Բիզնեսում ֆինանսական կայունության և վստահելի գործունեության հիմքը պրոֆեսիոնալ հաշվապահությունն է։ Հարկային օրենսդրության պահանջներին խստորեն հետևելն ու հաշվետվություններն ճիշտ ժամանակին ներկայացնելն ապահովում են ոչ միայն օրինականություն, այլ բիզնեսի զարգացում։

Հաշվապահական ծառայություններ են հանդիսանում՝

Հարկային և հաշվապահական հաշվառում

Փաստաթղթաշրջանառության վարում․ Հաշիվ-ապրանքագրերի, դուրսգրված հարկային հաշիվների, հաշիվների, ակտերի կազմում և հաշվառում։
Հարկային հաշվետվությունների պատրաստում և հանձնում․ ԱԱՀ-ի, շրջանառության հարկի, շահութահարկի, եկամտային հարկի և այլ պարտադիր վճարների հաշվարկ ու ներկայացում։
Բանկային գործառնություններ․ Փոխանցումների իրականացում, բանկային հաշիվների քաղվածքների մշակում և ինտեգրում հաշվապահական ծրագրերին։

Ֆինանսական կառավարում և վերլուծություն

Ֆինանսական հաշվետվությունների կազմում․ Հաշվեկշիռ, ֆինանսական արդյունքների մասին հաշվետվություն, դրամական միջոցների հոսք։
Ինքնարժեքի հաշվարկ․ Ապրանքների կամ ծառայությունների իրական ինքնարժեքի հաշվառում և վերլուծություն։
Բյուջետավորում և պլանավորում․ Ընկերության եկամուտների և ծախսերի կանխատեսում, ֆինանսական ռեսուրսների արդյունավետ կառավարում։

Խորհրդատվություն և օպտիմալացում

Հարկային պլանավորում և օպտիմալացում․ Օրենքի շրջանակներում գործարքների և հարկման դաշտի ճիշտ ընտրության միջոցով հարկային պարտավորությունների օպտիմալացում։
Տրանսֆերային գնագոյացում․ Փոխկապակցված անձանց միջև իրականացվող գործարքների վերլուծություն և անհրաժեշտ փաստաթղթավորում։

Աշխատավարձի հաշվարկ և կադրային գործավարություն

Աշխատավարձի հաշվարկ․ Աշխատավարձերի, հավելավճարների, արձակուրդայինների, բյուլետենների և օրենքով սահմանված այլ պահումների հաշվարկ։
Կադրային հաշվառում․ Աշխատողների ընդունում կամ ազատում, աշխատանքային պայմանագրերի և համապատասխան հրամանների ձևակերպում։

Էլեկտրոնային համակարգերի սպասարկում

Առցանց հարթակների կառավարում․
Աշխատանք էլեկտրոնային հաշիվ — ապրանքագրերի դուրսգրման, (taxservice.am, e-invoicing) և ՀԴՄ համակարգերի հետ։

Ինչու՞ ավտոմատացված հաշվիչները չեն կարող փոխարինել մասնագետին

Թեև ներկայումս կան բազմաթիվ ծրագրեր-հաշվիչներ, որոնց միջոցով կարելի է ինքնուրույն հաշվարկել թե՛ աշխատավարձը, թե՛ եկամտային հարկը և նմանատիպ այլ վճարներ, միևնույն է, դրանք չեն կարող ապահովել 100% ճշգրտություն։ Պատճառն այն է, որ հաշվարկների մեջ կան բազմաթիվ նրբություններ և հանգամանքներ, որոնք ավտոմատացված համակարգերը հաշվի չեն առնում։ Դրանցից մեկն էլ ՀՀ հարկային օրենսգրքի հաճախակի փոփոխություններն են, որոնք հաճախ անտեսվում են, ինչի հետևանքով հարկ վճարողները հայտնվում են հարկային մարմինների հսկողության ներքո և բախվում մի շարք պարտավորությունների և տուգանքների։

Հաշվապահի բացակայությունը կամ ոչ կոմպետենտ լինելը կարող է հանգեցնել՝

Հարկային հայտարարագրերի ուշացման կամ չներկայացման,
Աշխատավարձի և հարակից հարկերի սխալ հաշվարկի և տույժերի առաջացման,
Հաշվետվությունների և փաստաթղթերի միջև անհամապատասխանությունների,
ԱԱՀ և այլ հաշվարկների սխալ կիրառության,
Պարտքերի կառավարման ձախողման և բանկային հաշիվների արգելափակման։

Այս ամենը հանգեցնում է ավելորդ ֆինանսական կորուստների, տուգանքների և ընկերության հեղինակության վատթարացմանը։

Մասնագետի առկայության առավելությունները

Հարկային և իրավական ռիսկերի նվազեցում,
Հաշվապահական և հարկային հաշվառման ճշգրտություն,
Հարկային բեռի օպտիմալացում,
Ֆինանսական թափանցիկություն։

Ինչպե՞ս ընտրել հաշվապահ

Հաշվապահ ընտրելիս պետք է ուշադրություն դարձնել հաշվապահի՝

Փորձառությանը
Կարծիքներին և հեղինակությանը
Պատասխանատվությանը
Բանակցությունների ընթացքում նրա դրսևորած մասնագիտական մոտեցմանը

Եթե ցանկանում եք ապահովել ձեր բիզնեսի կայուն զարգացումը, խուսափել ցանկացած խոչընդոտներից և հնարավոր ռիսկերից, ապա այսօրվա ամենաճիշտ որոշումը փորձառու և գիտակ մասնագետի ընտրությունն է։