Երբ և ինչպես անցնել շրջանառության հարկից հարկման ընդհանուր համակարգին
Հայաստանյան շատ ընկերություններ սկզբնական շրջանում ընտրում են շրջանառության հարկը՝ դրա պարզության և հարմարավետության պատճառով։ Սակայն բիզնեսի ընդլայնմանը զուգընթաց այս համակարգը կարող է կորցնել իր ֆինանսական արդյունավետությունը։
Ի՞նչ է շրջանառության հարկը
Շրջանառության հարկը հաշվարկվում է հասույթից (եկամտից)՝ առանց ծախսերի հաշվառման։
Հիմնական առավելությունները՝
- Պարզ հաշվարկ
- Վարչական փոքր բեռ
- Արագ և հեշտ հաշվառման իրականացում
Ի՞նչ է հարկման ընդհանուր համակարգը՝
Այս համակարգում հարկերը հաշվարկվում են իրական շահույթից և շրջանառությունից․
- Շահութահարկ 18% ( զուտ շահույթից)
- ԱԱՀ՝ 20%
- Ծախսերի հաշվառում՝ բոլոր փաստաթղթավորված ծախսերը նվազեցվում են եկամտից
Հայաստանի Հանրապետության հարկային օրենսդրությամբ սահմանված են հստակ դեպքեր, երբ տնտեսավարողը (ԱՁ կամ ՍՊԸ/ՓԲԸ) պարտավոր է հրաժարվել շրջանառության հարկի հատուկ համակարգից և անցնել հարկման ընդհանուր համակարգին (ԱԱՀ և շահութահարկ)։
-
Պարտադիր անցման դեպքեր
115 միլիոն դրամի շեմի գերազանցում․ Եթե ընթացիկ հարկային տարում տնտեսավարողի իրացման շրջանառությունը գերազանցում է 115 մլն ՀՀ դրամը, տնտեսվարող դառնում է ԱԱՀ և շահութահարկ վճարող՝ շեմը գերազանցելու պահից։
-
Ե՞րբ է տնտեսապես ձեռնտու անցնել ընդհանուր համակարգին
- Բարձր ծախսատարությամբ բիզնեսներ (ցածր մարժա)․ Եթե ապրանքների ձեռքբերման կամ ծառայությունների ինքնարժեքը շատ բարձր է իսկ զուտ շահույթի տոկոսը փոքր է, 18% շահութահարկ վճարելը (զուտ շահույթից)ավելի քիչ հարկային բեռ է առաջացնում, քան շրջանառության հարկ վճարելը (ամբողջ հասույթից)։
- ԱԱՀ վճարող խոշոր գործընկերների հետ աշխատելիս․ ԱԱՀ վճարող ընկերությունները նախըտրում են գնումներ կատարել ԱԱՀ վճարողներից, որպեսզի կարողանան հաշվանցել ԱԱՀ-ն։ Շրջանառության հարկ վճարողից գնում անելիս գնորդը կորցնում է ԱԱՀ-ի հաշվանցման իրավունքը։
- Խոշոր ներմուծումներ և արտահանում․ Արտահանման դեպքում գործում է 0% ԱԱՀ, ինչը թույլ է տալիս հետ ստանալ կամ հաշվանցել ձեռքբերումների ԱԱՀ-ն։
Եթե որոշել եք դադարեցնել գործունեությունը շրջանառության հարկի համակարգում և անցում կատարել հարկման ընդհանուր համակարգին, ապա անհրաժեշտ է․
- Ներկայացնել համապատասխան հայտարարություն․ Հարկային մարմնին էլեկտրոնային եղանակով ուղարկել շրջանառության հարկ վճարող համարվելուց դադարելու մասին դիմում։
- Պահպանել օրենքով սահմանված ժամկետները․ Հայտարարությունը ներկայացնել մինչև ընթացիկ տարվա փետրվարի 20-ը (տարվա սկզբից անցնելու համար) կամ տարվա ընթացքում՝ նշելով հրաժարվելու կոնկրետ ամսաթիվը։
- Նախապատրաստվել հաշվապահական փոփոխություններին․ Հաշվառումը համապատասխանեցնել ԱԱՀ-ի և շահութահարկի պահանջներին։
Խնայեք ձեր ժամանակն ու ռեսուրսները․ Վստահեք հարկային համակարգի փոփոխությունն ու ընթացիկ հաշվապահությունը փորձառու և գիտակ
